هەلبژارتنێن پەرلەمانى ل هەرێما تامیل و هەرێما کوردستانێ پ‌د‌ف چاپکردن پۆستی ئەلیکترۆنی
پێنج شەممە, 10 تشرینی یەکەم 2013 06:59

 

عزه‌ت يوسف
وەسا رێکەفت دو گەلێن بێ دەولەت؛ گەلێ کورد و گەلێ تامیل ل دو رۆژێن ئێک ل دوڤ ئێک هەلبژارتنێن خوە یێن نیشتمانى ئەنجامدان، وەکو نامەکا ڤەکرى نیشا جیهانێ

دان کو هەردو گەل یێن ب ئاراستەیەکێ راست بەر ب ئارمانجێن خوە یێن رەوا پێنگاڤ دنێن. بۆچوون د وەسا بوون کو هەڤ هەلبژارتنە بۆ هەرێما کوردستانێ د نازک و ئارمانجدار بوون، ب هەمان شێوە گەلێ تامیل ژى حەزێن خوە یێن سیاسى هەنە.
هەردوو گەلێن کورد و گەلێ تامیل خودان تومارەکا تژى خەبات و قوربانى دانن، هەردوان ب سەدان هزاران قوربانى داینە و دەردەسەریا ڤەگوهاستن و وێرانکاریێ و و زیندانێ دیتینە و خەباتەکا دریژ دژى داگیرکەرێن ئاخا خوە بۆ گەهشتنا مافێن خوە کرینە.
نها هەردو گەلان چاڤ ل دەولەتبوونێ یە.
د کەشەکێ تەنا و تژى گەشبین و هیڤیێن نیشتمانى بۆ دەولەتنبوونێ هەلبژارتنێن پەرلەمانى ل رۆژا 21/9/2013 ل هەرێما کوردستانێ و ل رۆژا 22/9/2013 ل هەرێما تامیل ل سریلانکا کو وارێ کێمە نەتەوا تامیلە هاتنە ئەنجامدان.
هەلبژارتن ل هەر ئێک ل هەرێما کوردستانێ ل (هەولێر و دهۆک و سلێمانى) کو تەواو کونترولا وێ ل ژێر دەستهەلاتیا کوردانە، ل هەرێما تامیل ژى ل (چاڤنا، کیلینوتشى، مولایتیڤو، فافونیا و مانار) کو هەتا سالا 2009 چەکدارێن بەرەیێ (پلنگێن رزگاریخوازیا تامیل) کونترول ل سەر دکر ب تەناهى ب رێڤە چوون.
ل هەرێما کوردستانێ پارتا دیمۆکراتا کوردستانێ ب پلا ئێکێ هات کو خودان خەباەتەکا دور و درێژە، ل هەرێما تامیل ژى، (پارتا هەڤپەیمانا نیشتمانیا تامیلى) ب پلا ئێکێ سەرکەفت، کو ئەڤ پارتە درێژەپێدانا خەباتا بەردەواما چەکدارێن (پلنگێن تامیلە).
ل هەردو هەلبژارتنێن (کوردستان و تامیل) داخازا گەلەک دەنگدەران گەهشتنا ژ ڤێ چەندێ وێڤەترە داخوازا وان دەولەتا سەربەخۆیە. کورد پێکهاتا دوێ یا نڤشیە ل عیراقێ و هەر ب بەردەوامى شەر و کێشە و پێکنەکرن ل گەل سیاسەتێن شوفینى یێن مەرکەزى هەبووینە، ئەڤ پێکنەکرنە یا شوڕ بوویە دناڤبەرا عەرەب و کوردان ژى و گەلەک زەحمەتە نەتەوەکێ غەیرە عەرەب بکاریت ل گەل نڤشى عەرەبى پێکڤەبژیت. لەوا حەز و خەونا هەمى کوردان هەبوونا دەولەتا کوردى یا سەربەخۆیە. تامیل ژى نەتەوا دوێ یە ل سریلانکا و رێژا 14% ژ ژمارا 14 ملیۆن دانیشتوانێن سریلانکا پێکدئینیت، کێشا نڤشى ل گەل زۆرینا نڤشێ (سنهالى) یا دەستهەلاتدار هەیە. دەنگدەرەکى ژى ل باژێرێ چاڤنا باکورى گۆت: (ئەڤە نامەکا بهێزە بۆ کومەلگەها ناڤدەولەتى کو گەلێ تامیل پێدڤى ب چارەسەریەکا سیاسینە. ئەڤ چارەسەریە ب دامەزراندنا دەولەتەکا سەربەخۆ تەواو دبیت).