کۆبونەوەیێکى بەرفرەوان پ‌د‌ف چاپکردن پۆستی ئەلیکترۆنی
سێ شەممە, 23 کانونی یەکەم 2014 07:33

بە سەرپەرشتی خەسرۆگۆران ئەندامی ئەنجومەنی سەرکردایەتى بەرپرسی دەزگای هەڵبژاردنی پارتی دیموکراتی کوردستان بەئامادەبونى خاتوو شرین ئامێدى ودکتۆرە ڤیان صبری یاریدەدەرانى بەرپرسی دەزگا
لە بارەگاى دەزگاى هەلبژاردن کۆبونەوەیێکى بەرفرەوان نێوان تێکراى ئەندامانى دەزگای هەلبژاردن وبەرپرسانى دەزگاى هەلبژاردن لە ئەنجومەنى سەرکردایەتیەکان وبەرپرسانى مەکتەبى هەلبژاردنى سەر بە لقەکانى پارتى دیموکراتى کوردستان بەرێوە چوو
ئەمە ودواى راوەستانى دەقیقیێکی ڕێزلێنان لەسەر گیانى پاکى شەهیدانى کوردستان سەروەریان بارزانی نەمر وپێشمەرگە قارەمانەکانى سەنگەرى بەرگرى کردن لە خاکى کوردستان ، کۆبوونەوەکە دەست بەکار بوو و تێدا بەرپرسی دەزگا خوێنەوەیێکى لەسەر ڕەوشی ئەمڕۆى عیراق وناوچەکە پێشکەش کرد و ئاماژەى بە رێککەوتنى نێوان حکومەتى عیراق وحکومەتى هەرێمى کوردستان دا وبە رێکەوتنێکى مێژوویی وگرنگ بۆ کوردستان وەسف کرد
پاشان باس لە رەوشی ناوخۆیی دەزگاى هەلبژاردن و مەکتەبەکانى بەگشتى کرا ولەم بارەیەوە خسرۆ گۆران داواى لە ئامادەبووان کرد ، گرنگى بە کارەکانیان بدەن وئاگادارى دوا شێواز وگۆڕانکاریە جیهانیەکان بن لە بوارى هەڵبژاردندا ، هەروەها چەند رێنماییەکى نوێی سەبارەت بە دابینکردنى سەرجەم پێداویستیەکان لە ئامار وئامرازەکانى هەلبژاردن پێشکەش بە ئامادەبوان کرد
ئەمە و لە کۆتاییدا بڕیار درا تیمێکى هەڵسنگاندن بۆ کارى لقەکان بە پێی ئەنجامەکانى هەڵبژاردنى ئەم دواییە پێکبهێنرێ ، دواتر دەرگاى گفتوگۆ بۆ ئامادەبوان کرایەوە تێدا سەرنج وپێشنیارەکانیان خرانە بەر باس .